స్టార్ మా టీవీలో ప్రసారమవుతున్న సీరియల్ ' ఎటో వెళ్ళిపోయింది మనసు'. ఈ సీరియల్ గురువారం నాటి ఎపిసోడ్ -64 లో... సీతాకాంత్, రామలక్ష్మి లు కలసి మాణిక్యం ఇంటికి వస్తారు. మాణిక్యం చేసిన అప్పుల వాళ్ళు ఇంటి మీదకి గొడవకి వస్తే సీతాకాంత్ వాళ్లకు ఇవ్వాల్సిన అప్పులు చెల్లిస్తాడు. ఆ తర్వాత పింకీ స్కూల్ ఫీజు కట్టకపోవడంతో స్కూల్ వెళ్ళదు. నేను మొన్న ఫీజు ఇచ్చి వెళ్ళాను కదా.. ఎందుకు కట్టలేదని రామలక్ష్మి అడుగుతుంది. మీ నాన్న తీసుకున్నాడని సుజాత చెప్పగానే.. మాణిక్యంపై రామలక్ష్మి కోప్పడుతుంది.

ఆ తర్వాత సీతాకాంత్ తన మేనేజర్ కి ఫోన్ చేసి.. ఒక ఇంటర్నేషనల్ స్కూల్ లో పింకీకీ అడ్మిషన్ తీసుకోమని, స్టడీకీ అవసరం అయ్యే ఖర్చు కూడా అకౌంట్ నుండి ఇవ్వుని చెప్తాడు. వద్దని రామలక్ష్మి అంటుంది. నువ్వు ఎవరు నా భార్యవి, నీ చెల్లి కూడా నాకు సిరిలాగే అని సీతాకాంత్ అనగానే.. మాణిక్యం సంబరపడిపోతాడు. చాలా మంచి పని చేసావంటూ సీతాకాంత్ ని పొగుడుతాడు. మేమ్ ఒక విషయం చెప్పాడని వచ్చామని సీతాకాంత్ అనగానే.. భోజనం చేసాక మాట్లాడుకుందామని మాణిక్యం అంటాడు. ఇక అరిటాకులో భోజనానికి సుజాత అన్ని సిద్ధం చేస్తుంది. మీకు నచ్చినవి వడ్డీంచుకోమని సీతాకాంత్ కి చెప్పగానే.. తనకి ఇష్టమైనవి వడ్డించుకుంటాడు. ఆ తర్వాత రామలక్ష్మి తనకి ఇష్టమైనవి వడ్డీంచుకుంటుంది. ఇద్దరు సేమ్ వడ్డీంచుకోవడం గమనించిన మాణిక్యం.. చూసావా మీ ఇద్దరి అభిరుచులు ఒకటే అని అంటాడు. ఇద్దరు ఆశ్చర్యపోయి చూస్తారు. మేమ్ రేపు మా కులదైవం గుడికి వెళ్తున్నామని, మీరు కూడా రావాలని అనగానే.. ఏదో ప్లాన్ చేశారని మాణిక్యం అనుకుని రానని చెప్తాడు. ఆ తర్వాత వస్తాను కానీ మీరు అక్కడ ధన, సిరిలకి పెళ్లి చేసే ఆలోచన మాత్రం చెయ్యొద్దు. నా కూతురు కడుపు పండాలి. అప్పుడే ధన, సిరిలకి పెళ్లి అని మాణిక్యం అంటాడు.

ఆ తర్వాత రామలక్ష్మి, సీతాకాంత్ లు కార్ లో వెళుతుంటే.. రామలక్ష్మి డల్ గా ఉంటుంది. వాళ్ళు ఆడుతున్న నాటకం గురించి టెన్షన్ పడుతుంది. సీతాకాంత్ తన టెన్షన్ పోగొట్టి కూల్ చేస్తాడు. మరొకవైపు వాళ్ళేదో ప్లాన్ చేసారనిపిస్తుంది. కానీ నువ్వు మాత్రం నన్ను మోసం చెయ్యకు. అలా చేస్తే నాపై ఒట్టే అని ధనతో మాణిక్యం ఒట్టేయించుకుంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.